Во судница денеска беа прикажани фотографии од поранешната специјалната јавна обвинителка од СЈО,  Катица Јанева, а добиени со вештачење на телефонот на шоуменот и обвинет во случајот „Рекет“, Бојан Јовановски.

Има фотографии каде обвинетата Јанева седи на гарнитура дома, а на масата пред неа стои и купче со банкноти од по 500 евра.

Беа прикажени и фотографии од 23 јануари 2019 година, од 22 февруари 2019 година, од 14 декември 2018 година, од 8 декември 2018, а освен фотографии беа прикажани и кратки видеа. Видеата траат само неколку секунди, а и на нив се гледа како Јанева седи дома, пуши цигара и вели вели: Како ќе одлучат, така ќе планираме.

Јанева е фотографирана во еден скопски ресторан како се обидува да стави плик во чантата. 

По презентирањето на доказите, Јовановски рече дека истите се небитни и дека не се поврзани со диспозитивот од обвинението.

Во судница денеска беа читани и пораки кои Боки 13 ги разменувал со други лица. 

На претходните рочишта „паднаа“ и тешки зборови кога Јанева ја навреди обвинителката Лиле Стефанова која сведочеше. 

За случајот „Рекет“ лани беа уапсени Зоран Милевски Кичеец и Бојан Јовановски, а потоа и Јанева. Таа претходно тврдење дека одредени лица го злоупотребиле нејзиното име. Јанева помина извесно време во притвор во Шутка, а сега е во домашен притвор. Кичеец призна вина и доби казна од три години затвор. 

Јанева се товари дека сторило кривично дело „Злоупотреба на службена положба и овластување“ и „примање награда за противзаконито влијание“.