На европските берзи, цените на акциите утринава пораснаа благодарение на вестите за преземања и спојувања, со што е надокнадена дел од загубата од претходните два дена. ФТCЕурофирст индекс на водечките европски акции, откако во четвртокот и петокот падна, денеска во 9,30 часот беше во плус од 0,4 посто на 1.210 поени. Лондонскиот ФТCЕ, франкфуртскиот ДАКC и паришкиот ЦАВ индекс во 9,30 часот беа во плус помеѓу 0,4 и 0,6 посто. Акциите на ирскиот Елан утринава поскапеа за речиси 8%, откако американскиот Периџо за купување на оваа фармацевтска компанија понуди 8,6 милијарди долари. Утринава беше сопрено тргувањето со акциите на Публицис, бидејќи во текот на викендот беше објавено дека оваа маркетиншка компанија ќе се спои со ривалот Омником во договор вреден 35 милијарди долари. „Превземањата и спојувањата особено го поттикнуваат пазарот. Последните месеци пазарот значително се зголеми така што немаше некои поголеми негативни изненадувања во деловните резултати на компаниите“ - вели Филип Де Вандир, аналитичар во компанијата Altedia Investment Consulting. На Токиската берза Никкеи индексот утринава потона 3,3 посто, на 13,661 поени.