Претседателот на Уставниот суд, Дарко Костадиновски, денеска поднесе пријава до Министерството за внатрешни работи, за упатени закани по животот и безбедноста на колеги од судската инстанца што ја предводи.

Од Уставен суд информираат дека пријавата е поднесена поради директно упатени закани кон судии поврзани со постапување по конкретен предмет од страна на Судот.

- Претседателот Костадиновски најостро ги осудува ваквите закани упатени до судиите, истакнувајќи дека во едно демократско општество, вакви и слични закани претставуваат  напад врз интегритетот на Уставниот суд, но и директен притисок врз независното и самостојно одлучување на сите судии, реагира судот.

Упатените јавни закани и повици за насилство се од сериозен степен и Судот „очекува надлежните органи професионално и навремено да ги превземат сите неопходни мерки и активности за расветлување на овој но и слични закани кон судиите“.