Од СДСМ обвинуваат дека лидерот на ВМРО-ДПМНЕ, Христијан Мицкоски преку корона кризата сака да си ја спаси фотелјата. 

Велат дека прв кој треба да си даде оставка е токму Мицкоски и да замине од белиот дворец.

„Граѓаните знаат дека во тешки времиња се потребни сериозни и одговорни луѓе, а не лицемерни и недоследни политичари како Мицкоски, за кого коронавирусот е опасен, кога тоа му се поклопува со дневната политичка агенда. Осум месеци ги критикуваше и опструираше сите мерки за заштита, па после ги повика граѓаните да ги почитуваат. Некрофилот Мицкоски броеше жртви и подмолно се радуваше на бројот на починати, во очаен обид политички да профитира врз грбот на починатите и заболените, врз грбот на нивните семејства, роднини и пријатели“, тврдат од СДСМ. 

Велат дека наводно загрижен за здравството, Мицкоски преку негов кадар во преодната влада кочеше заем за опремување на здравствените установи, си одеше во теретана и во кафана кога беше забрането, им лепел партиски етикети на лекарите и ги плашел граѓаните дека нема доволно тестови и заштитна опрема.

Претходно имаше и повеќе повици за вонреден конгрес во ВМРО-ДПМНЕ.