Прекини има на патот во тетовско поради одрони. 

Сообраќајот на локалниот пат што ги поврзува полошките села Неготино и Ломница од синоќа е во прекин поради одрон од камења и земја кои паднале на коловозот.

Локалните жители случајот го пријавиле во полиција, синоќа околу 20 часот.

Според првичните сознанија на Дирекцијата за заштитата и спасување, кај месноста „кисела вода“ на патот, во должина од дваесетина метри се срушила поголема количина на земјен нанос.

Од утрово, екипи со механизација од општина Врапчиште се испратени на местото и работат на санирање на свлечиштето, а на терен се екипи на гостиварската Дирекција за заштита и спасување. По увидот ќе се направи проценка кога патот ќе биде расчистен и прооден.