Мандатарот за состав на нова влада, лидерот на СДСМ Зоран Заев најави вчера од Тетово дека денес ќе започнат разговори со партнерските партии за распределба на ресорите.

Заев вчера во Тетово за новата влада разговараше со лидерот на Алијансата за Албанците Зијадин Села и со Али Ахмети на ДУИ.

Села на конференција за новинарите, по средбата со Заев рече дека тој или било кој од неговата партија не потпишал никакви гаранции во врска со откажување од таканаречената „тиранска платформа“.

Тој како и лидерот на БЕСА, со кој Заев имаше последна средба синоќа, не ја исклучи можноста неговата партија, однсно Алијансата за Албанците да биде дел од владеачкото мнозинство.