ПРАВНИКОТ ЗНАЕ ДЕКА ПРЕЗЕМАЊЕТО ДОЛЖНОСТ ВО НЕПОСТОЕЧКА ДРЖАВА „МАКЕДОНИЈА“ ЗНАЧИ „ПРЕЗЕМАЊЕ“ НА НЕПОСТОЕЧКА ДОЛЖНОСТ: Се огласи и Величковски
Не стивнуваат реакциите на јавноста и политичарите за тоа што претседателката Гордана Силјановска Давкова не го употреби зборот Северна додека ја кажуваше заклетвата.
Овој пат се огласи лидерот на ЛП, Ивон Величковски.
„Ништо ново и во најновиот мандат на Ѓорѓе Иванов: Скопско-политичката професура свесно влета во стапицата што самата си ја постави
За да продолжи да го покрива псевдо-национализмот на ВМРО-ДПМНЕ, претседателот на Републиката Силјановска-Давкова го најави и спроведе "драматичниот" потег на неспоменување на името на државата во изјавата за преземање на должноста.
Правникот знае дека преземањето должност во непостоечка држава "Македонија" значи "преземање" на непостоечка должност.
Политичарот знае зошто така постапил.
За провокација кон Грција? Да, целно.
За провокација кон ЕУ? Да, непотребно.
За пркос? Не, промислено штетно кон позицијата на сопствената нација, народ и држава.
Очекувано? Да, сосем.
Тоа го разобличи и обидот за наметнување на социјални теми и "морални вертикали" од шефот на државата кој по уставот е задолжен за - државна политика.
Добро е што сме на чисто од самиот почеток.“ напиша тој на фејсбук.
Слично
Поврзани вести
