ПРАТЕНИК ОД ВЛАДЕЈАЧКОТО МНОЗИНСТВО Е ПРОТИВ УСТАВНИТЕ ИЗМЕНИ - за Ибрахим е неуставна измената кај Комитетот за односи меѓу заедниците
Пратеник од владејачкото мнозинство е против уставните измени.
Енес Ибрахим, кој е член на Партијата за движење на Турците, а која е дел од владејачката коалиција, преку својот фејсбук профил објави дека втората уставна измена што ја предложи власта, а таа е измена во однос на составот на Комитетот за односи меѓу заедниците, е неуставна.
„Предлог измена и дополнување на Уставот на Република Северна Македонија односно Амандманот XII што се однесува на Комитетот за односи меѓу заедниците, е НЕУСТАВНО.
Впрочем со новиот предлог бројот на членовите на Комитетот за односи меѓу заедниците наместо досегашните 19 члена, бројот да се зголеми на 43 при што по 16 члена од редот на пратениците во Собранието Македонци и Албанци, а по еден член ќе имаат сите други заедници.
Со овој предлог не се почитува правичната и соодвената застапеност која е загарантирано со Уставот“, се вели во фејсбук статусот на Енес Ибрахим.
Инаку, во предлог-иницијативата за уставни измени што ја усвои Владата се предлага бугарскиот и уште пет други народи да се додадат во Преамбулата од Уставот. Во Преамбулата на македонскиот Устав треба да влезат и хрватскиот, црногорскиот, словенечкиот, еврејскиот и египќанскиот народ.
Покрај овие, предвидена е уште една уставна измена во однос на составот на Комитетот за односи меѓу заедниците со која се предвидува да се измени бројот на членовите, и тоа наместо досегашните 19 члена, бројот да се зголеми на 43 члена, при што 16 члена од редот на пратениците во Собранието Македонци и Албанци и по еден член од редот на пратениците Турци, Власи, Роми, Срби, Бошњаци, Бугари, Хрвати, Црногорци, Словенци, Евреи и Египќани.
Слично
Поврзани вести
