Група пратеници од параментарното мнозинство побараа формирање на ново министерство за политички систем и односи меѓу заедниците.

 „Заради функционирање на државата во делот на работите поврзани со политичкиот систем, спроведување на Охридскиот рамковниот договор и пинципите кои произлегуваат од овој Договор како и унапредување и заштита на правата на припадниците на заедниците во Република Северна Македонија, се појави потреба да се основа ново Министерство за политички систем и односи меѓу заедниците“, се вели во образложението.

Веднаш стигнаа и првите критики, а најистакната во реакцијата беше професорката Мирјана Најчевска.

„Зошто бре луѓе? Како може да барате уште министерства? Треба да имаме најмногу 7 и не треба да имаме претседател и треба да имаме најмногу 20 општини и 70 пратеници. И никако не смее администрацијата да надмине 30.000 и да се намали бројот на судии и да се укинат управните и надзорни одбори и да се намали бројот на јавни претпријатија и да се преполови буџетот. Дајте бре луѓе имајте милост кон напатените граѓани кои се обидуваат да живеат во државичево“напиша Најчевска на својот профил.