Епидемиолошката состојба во Македонија е мирна и не размислуваме за нови ограничувања или за барање сертификат за вакцинација или негативен тест за ПЦР за влез во земјата, изјави министерот за здравство Венко Филипче. 

На прашањето дали се размислува за странски државјани за влез во Македонија, да се  воведе обврска да има сертификат за вакцинација или негативен тест за PCR за ковид19, Филипче рече дека такво нешто не е планирано ниту за странски ниту за македонски државјани.

„Нема логика да бараме за некои граѓани, а за други да не бараме потврда за вакцинација или негативен тест, доколку биле во странство“, рече министерот за здравство.

Филипче посочи дека епидемиолошката состојба е „навистина мирна“ и истакна дека некои земји, и покрај фактот што воведоа ограничувачки мерки и ги бараат тие документи, имаат огромно зголемување на случаите на коронавирус.

"Затоа ние ја нагласуваме вакцинацијата како единствен механизам за зголемување на колективниот имунитет и спречување на нов бран. Во Велика Британија, гледаме огромен број нови случаи, но важно е да нема смртни случаи. И тоа е поентата. Така е и нашата конструирана политика“, рече Филипче.

Во Македонија вчера започна вакцинирање на граѓани без закажување и теренска кампања за вакцинација во руралните места, а во четврток ќе започне вакцинирањето на деца од 12 до 16 години со вакцината „Фајзер“.