Државниот санитарен инспекторат објави дека годинава досега 20 родители се пријавени прекршочно поради невакцинирање на своите деца.

Од нив, 11 завршиле на суд а останатите платиле парична казна која се движи од 300 до 650 евра. 

Во меѓувреме постојано расте бројот на заболени со морбили и досега има над 900 заразени. Епидемиолозите се загрижени што поголемиот број од новорегистрирозаболените со мали сипаници се од внатрешноста. 

Од таму велат дека не е исклучена можноста на Комисија за заразни болести да биде прогласена епидемија во цела држава.

Во Скопје има над 12.000 вакцинирани деца од прогласдување на епидемијата а во другите градови има голем број на невакцинирани.

Дури 10 проценти од  регистрираните случаи се  лекари и медицински сестри кои заболеле од мали сипаници на работните места. Најголем број од нив се од Клиниката за детски болести.