ПОЗНАТИОТ МАКЕДОНСКИ ТОКСИКОЛОГ ПРЕДУПРЕДУВА: Ова се најчестите морски животни кои можат да ви го расипат одмор
Познатиот македонски токсиколог, докторот Нико Беќаровски, предупреди за најопасните морски животни кои можат да го расипат летниот одмор.
„ВРЕМЕ Е НА ЛЕТНИ ОДМОРИ, А МНОГУМИНА ОД ВАС ВЕЌЕ СЕ НА ЈАДРАН, ЕГЕЈ, ЈОНСКО ИЛИ НЕКОЕ ДРУГО МЕСТО НА МЕДИТЕРАНОТ.
ОВА СЕ НАЈЧЕСТИТЕ МОРСКИ ЖИВОТИНКИ КОИ МОЖАТ ДА ВИ ГО РАСИПАТ ОДМОРОТ
1. Trachinus draco (морски пајак) Отровни грбни боцки Исклучително силна болка, оток, еритем, понекогаш хипотензија. Топла вода 42–45 °C, аналгетици, чистење на раната
2. Scorpaena scrofa (скорпија) Отровни грбни и жабрени боцки Силна болка, локален едем.
Топла вода 42–45 °C, аналгезија
3. Siganus rivulatus (риба зајак) Отровни грбни и карлични боцки Болка, оток, поретко системски симптоми.
Топла вода 42–45 °C
4. Dasyatis pastinaca (морска ража) Отровна опашна боцка Длабока рана, силна болка, ризик од инфекција
Топла вода, хируршка обработка ако е потребно.
5. Pelagia noctiluca (медуза) Печење, црвенило, линеарни лезии .
Морска вода за плакнење, внимателно отстранување на пипалата, аналгетици.
6. Physalia physalis
Моќни нематоцисти
Многу силна болка, понекогаш системска токсичност Медицинска помош, симптоматски третман.
7. Paracentrotus lividus (морски еж) Боцки Болка, воспаление, задржани боцки Отстранување на боцките, чистење на раната
Најопасни според токсичност
1. Морски пајак (Trachinus draco)
2. Скорпија (Scorpaena)
3. Морска ража (Dasyatis)
4. Риба зајак (Siganus)
5. Медуза (Pelagia noctiluca)
Термолабилен отров имаат: морскиот пајак, скорпијата, рибата зајак и морската ража. Затоа потопувањето во вода од 42–45 °C е основна мерка.
Кај медузите, топлата вода не е стандарден третман. Најважно е да не се трие местото, да се исплакне со морска вода (не со слатка), внимателно да се отстранат пипалата и да се даде симптоматска терапија.
Најчеста компликација кај сите прободни повреди е секундарната бактериска инфекција, особено со бактерии од родот Vibrio, па кај подлабоки рани е потребна внимателна проценка за антибиотска терапија“, вели тој.
Слично
Поврзани вести
