Искра од апарат за заварување  употребен при монтажа на декоративна фасада, го предизвика пожарот во трговскиот мол Блис во Битола, при подготовка за отворање на објектот кое беше закажано на 5 август.

Како што информират  од Беком Инвест, сопственици на објектот, пожарот избувнал вчера во попладневните часови, кога се запалил  фасаден панел, но со брза реакција на противпожарната единица пожарот беше  локализиран.

Од Беком Инвест велат дека предизвиканата штета не е голема, а за среќа нема  повредни.

„Според пвичниот увид, причинета е мала материјална штета на фасадниот панел на источната страна, кој, благодарение на фактот што е огноотпорен и има дополнителна внатрешна изолација со камена волна, како и огноотпорни ѕидови од гипсени табли, се спречи проширување во внатрешноста на објектот и на околната фасада. По извршениот увид после гаснењето на пожарот, не се констатиран штети на останатитеделови на објектот ниту на конструкцијата, информираат од Беком Инвест.

Битолската пожарна дојавата за пожарот ја добиле околу 18 часот вчера, а во гаснење учествувале и од РЕК Битола.

Шопинг молот Блис се наоѓа на влезот од Битола, и е во завршна фаза на отворање,  а деновиве се подготвуваат продавниците, се местат излозите на бутиците, меѓу кои ќе има и брендирани производи Дали молот ќе биде пуштен во употреба како  што првично се најавуваше, на 5 август, од Беком Инвест велат дека  ќе се знае откако ќе се направи уште една проверка во текот на денот, по што очекуваат  отворањето на објектот да биде без задоцнување, но и безбедно.

Тие преку фејсбук групата Бабам Битола информираа за пожарот.