Нова закана за бомба попладнево пристигнала во средното училиште „Раде Јовчевски - Корчагин“ во Скопје. 

На учениците кои биле присутни во втората смена им било соопштено да ги напуштат училниците за краток период, и дека се ослободуваат од настава до крајот на денешниот ден. 

Учениците веќе се излезени од училиште, а полициските екипи пристигнати во училиштето. 

Засега како што дознаваме од сведоци на настанот се пристигнати три полициски возила. 

Дојава за бомба, како што брифираат извори на Фактор има и во гимназијата „Орце Николов“.  

На терен веќе има полициски возила како што може да се забележи и на нашта фотографија која ни ја испратија сведоци на настанот.