Комисијата за заразни болести ниту денеска не донесе одлука за олабавување на мерките за заштита од коронавирусот, односно олеснителни препораки за започнување со работа на одредени дејности, откако денеска беа регистрирани 22 нови случаи на ковид-19 во последните 24 часа.

Според некои неофицијални информации, Владата нема скоро да го ослободи работењето на моловите, обложувалниците и угостителските објекти. Требаше да биде донесена и одлука од денеска да почне и скрининг на населението за откривање на асимптоматските случаи, што го најави министерот за здравство, Венко Филипче.

Комисијата за болести сè уште не разговарала за олеснување на мерките за штедење. Според изворите на Алсат во рамките на комисијата, големиот број заразени лица денес ја натера Комисијата да го одложи олеснувањето на мерките. Следната средба е утре.

Комисијата за заразни болести не донесе одлука ниту во саботата на која за прв пат беше разгледана можноста за олеснување на досегашните мерки за превенција и заштита од ширење на коронавирусот. Министерството за здравство и Комисијата за заразни болести одлучија да препорачаат до Владата сите досега донесени мерки да останат во сила.