ВМРО-ДПМНЕ од денес упатува јавен повик за учество во изработката на Програмата на ВМРО-ДПМНЕ за предвремените парламентарни избори до сите невладини организации, здруженија на граѓани, синдикати, стопански и останати комори, и останати заинтересирани субјекти да се вклучат во нејзината изработка. 

„Ќе стапиме во контакт со сите заинтересирани субјекти и ќе договориме средби и начин за понатамошна соработка“, изјави Игор Јанушев, генерален секретар на ВМРО-ДПМНЕ. 

Се надева дека оваа алатка многу ќе придонесе за изборната програма. 

„Ние сме убедени дека граѓаните и сите чинители во државата кои и сакаат подобра иднина на Македонија ќе се вклучат и ќе помогнат во изготвување на победничката изборна Програма“, рече Јанушев.

Европската иднина може да се обезбеди само со многу труд, работа, посветеност и обнова кои ќе донесат благосостојба на граѓаните на Република Македонија, вели тој.