Веќе се дезинфицирани дел од куќите кои се исчистени од кал во селата Смилковци, Булачани, Инџиково, Сингелиќ и Стајковци.

Вкупната површина кој е дезинфицирана е 260.000 метри квадратни. Се прска и против ларви од комарци.  Направена е ларвицидна дезинсекција на Смилковско езеро и одводниот канал кај Стајковци.

Најмалку стотина жители од поплавените подрачја веќе примиле вакцина против тетанус.

Се советува при појава на кожни заболувања, диареја и повраќање, луѓето да заминат на доктор или да пријават кај патронажните сестри на терен.

Уште важи препораката луѓето од ранливите категории, децата, бремените жени, хронично болните - привремено да ги напуштат домовите, се додека не се санираат штетите.