Од Европската Комисија(EK) велат дека има можност Албанија да ги почне преговорите со Европската Унија без Македонија. 

Портпаролката на EK, Ана Писонеро ги расчисти дилемите за изјавите на еврокомесарот Оливер Вархеји и можното раздвојување на Македонија и Албанија во процесот на преговори.  Taa потврди дека ставовите на Вархеји се и ставови на Комисијата, која не би се противела ако земјите членки одлучат само Албанија да ги започне преговорите.

„Комесарот Вархеји ја пренесе оваа позиција доста јасно, и секако имајќи предвид дека земјите-членки мораат да се согласат за преговарачката рамка. Точно е дека тој посочи дека доколку нема договор во случајот со Македонија, ова би можело да биде нешто што би требало да биде разгледано, но секако ова е во рацете на Советот“, изјави Писонеро. 

Вархеји откако пред неколку дена во Скопје кажа дека процесите за членство на двете земји би можеле да бидат раздвоени, истиот став го повтори и пред седиштето на ЕУ во Брисел. Македонија ја „кочи“ спорот со Бугарија.