Во последните две години, крадци ја оштетиле македонската железницата за 600 илјади евра. Се краде се и сешто, од уреди, кабли, па до железо. МЖ-Инфраструктура, постави камери на Коридорот 10, односно од Табановце до Гевгелија во должина од 220 километри, заради заштита од кражби на сигнално-сигурносните телекомуникациски постројки.

„До сега имаме инсталирано 140 камери. Продолжуваме со втората фаза која подразбира исто така голем број на камери. Целата инвестиција е некаде 10 милиони денари, средства обезбедени од Буџетот“, изјави директорот на МЖ - Инфраструктура Ирфан Асани. Камери се поставени на 67 објекти од кои 23 железнички станици, 23 објекти каде се сместени сигурносно-сигналните уреди и телекомуникациските уреди., 11 објекти со уреди за контактна мрежа и 10 куќички каде се сместениуреди за патните премини. Мониторингот се прави на две места и тоа за делот Табановце-Велес во Скопје во центарот во Трубарево, а за делот од Велес до Гевѓелија, мониторингот ќе биде во Велес. Македонски железници имаат 926 километри пруга, 51 железничка станица, 80 патни премини, 850 километри бакарни кабли, 350 километри отптички кабел.