ПОРТОКАЛОВО НИВО: Предупредување за невреме во скопско, централна и источна Македонија
До петок, под влијание на серија влажни и нестабилни воздушни маси, времето ќе биде променливо облачно со повремени поројни дождови и грмежи. На повеќе места се очекува нестабилност, а локално процесите ќе прераснат во краткотрајно невреме проследено со силен ветер и изолирана појава на град, соопшти Управата за хидрометеоролошки работи.
Според прогнозата, до петок ќе има пообилни врнежи од дожд, а поради продор на постудена воздушна маса од север температурата значително ќе опадне.
И метеорологот Владо Спиридонов објави информација од информативно-едукативен карактер, дека според алатката NOTHAS постои можност за невреме во земјава.„Според најновите NOTHAS моделски прогнози, во текот на попладневните, вечерните и ноќните часови се очекува развој на локално интензивни грмежливи облаци, информираше Спиридонов.
ПОРТОКАЛОВО НИВО (Level 3)
Поширокото Скопско подрачје, како и делови од централна и источна Македонија, особено Велешко, Кавадаречко, Струмичко и Беровско.
Можни појави:
• Пороен дожд за краток временски период
• Појава на град
• Силен и локално бурен ветер
• Интензивни електрични празнења
• Локални поројни и урбани поплавувања
ЖОЛТО НИВО (Level 2)
Останатите делови од државата со услови за локални грмежливи процеси и краткотрајни временски непогоди.
Најголем ризик: од попладневните часови па сè до доцна во ноќта“, се вели во објавата.
Слично
Поврзани вести
