Гевгелиската полиција спречи обид за убиство.

Полицијата во Гевгелија спречи обид за убиство по пријава на 25-годишна жителка (М.П.) дека пред вратата од нејзиниот дом чула репетирање на пиштол и закани од нејзиниот поранешен партнер Ј.Г., кој бил во придружба на лицето Л.Г. и тропал на вратата.

Патролите веднаш интервенирале. При увид на местото, во ормар за чевли е пронајден пиштол (без рамка). При алкотест, кај Л.Г. биле измерени 3,3 промили алкохол во крвта.

Според полицијата, двајцата осомничени се уапсени и против нив ќе следува соодветна пријава. Поранешниот партнер Ј.Г., кој е уапсен, до местото пристигнал искористувајќи викенд-отсуство од казнено-поправна установа.

Инцидентот е пријавен на 13 октомври околу 14:42 часот. Првичните докази се обезбедени, а истрагата продолжува под координација на надлежното обвинителство.