Министерот за здравство, Венко Филипче, на својот профил на Фејсбук објави анализа која се однесува на процентот на позитивните случаи на корона вирусот за кои е неопходно болничко лекување. Според оваа анализа, бројот на хоспитализираните пациенти се намалува. 

-Во изминативе две недели, и покрај благиот раст на активни случаи со ковид-19, процентот на хоспитализирани бележи пад од речиси 2%, односно од 11,5% на 15 јули на 9,7% на 23 јули. Во континуитет, процентот на хоспитализирани од вкупниот број на активни случаи не надминува повеќе од 12%.
Да ги почитуваме мерките, да се заштитиме себеси, здравствените работници и да го одржиме нашиот здравствен систем стабилен, пишува министерот на својот профил на ФБ.