Откако вчера немаше никакво ограничување во движењето поради празникот Рамазан Бајрам од денеска на полноќ стапува на сила ограничувањето во движењето и ќе трае до 4 часот изутрина. Новите мерки ќе бидат на сила до 18 мај 2021 година односно до вторник. Претходно во понеделник ќе има нов предлог за ограничувањата и се очекува, ако остане трендот на помалку новозаболени и хоспитализирани, да се донесе одлука за укинување на полицискиот час. Граѓаните и сега коментираат дека ограничување од 24 часот до 4 часот е како воопшто да го нема. 

Инаку од вчера угостителските објекти работат само во отворениот дел односно на летни тераси, градини, а не во затворениот дел и тоа до 23:30 часот.

Сите настани може да се одржуваат согласно наменските протоколи, со исполнетост до 30 отсто од капацитетот на затворениот простор. Отворени се и вежбалните, фитнес центрите и теретаните.

Беше одлучено и за зголемување на бројот на децата во градинките.