олема полициска акција со која се „тресат“ самите канцеларии на повеќе организациски единици на Министерството за внатрешни работи.

Неофицијално акцијата е дел од истрага за наводни злоупотреби поврзани со тендерските постапки за сервисирање на службените возила на полицијата. Се шпекулира дека истовремено, претреси биле извршени и во неколку економски оператори, меѓу кои и добро познати автосервиси, кои со години наназад ги одржувале полициските возила.

Од МВР со кусо објаснување ја потврдуваат полициската акција која се спроведува денеска и е поврзана со работењето на Одделот за општи и заеднички работи во Министерството за внатрешни работи. 

- Полициски службеници од Одделот за сузбивање на организиран и сериозен криминал, Одделот за крим полиција и Одделот за внатрешна контрола, криминалистички истраги и професионални стандарди по насоки на надлежен Јавен обвинител во тек се мерки и активности поврзани со работењето на Одделот за општи и заеднички работи во МВР - потврдија од МВР.

Според се уште неофицијалните информации, како што објавија дел од медиумите, станува збор за истрага поврзана со сомнежи за злоупотреба на тендери за сервисирање на службените возила.