МВР вчера спроведе засилена акциска контрола за санкционирање за непропуштање на пешаците на пешачки премин и при тоа казнети биле 130 возачи, од кои 75 на територија на Скопје.

Полицијата информира и дека на територија на Скопје се изречени 32 санкции за пешаци кои не поминувале на пешачки премин. 

„Министерството за внатрешни работи и денеска и во наредните денови ќе продолжи со ваквите акциски контроли. Апелираме до возачите секогаш да ги пропуштаат пешаците односно да ги почитуваат сообраќајните правила и прописи. Исто така, апелираме и до пешаците да ги почитуваат сообраќајните правила и прописи и да го минуваат коловозот на обележан пешачки премин затоа што непочитувањето на сообраќајните правила ќе биде санкционирано“, објави МВР.