Вчера, полицијата во полошкиот регион пронашла повредено куче од расата питбул во багажникот на автомобил. Полицијата известува дека возачот на автомобилот немал возачка дозвола, додека изјавил дека кучето било повредено за време на борба со други кучиња.

„На 10.04.2026 година во 22:00 часот на локалниот пат за село Камјан, полициски службеници од Полициската станица Камењане го запреле автомобилот „Голф“ со тетовски регистарски ознаки, управуван од А.Д. (19) од село Озормиште, кој немал возачка дозвола. 

При претресот, во багажникот на возилото е пронајдено повредено куче од расата „Пит Бул“, за кое лицата во возилото изјавиле дека е повредено при борба со кучиња во село Камењане. Заедно со возачот, лишени се од слобода и двајца 17-годишни сопатници од село Желино. 

Известен е ветеринарниот инспектор и се преземаат мерки за соодветен третман на животното и документирање на случајот, додека тие, заедно со возилото, се задржани во полициската станица и по документирањето на случајот, ќе следи соодветна пријава“, велат од Министерството за внатрешни работи.