Полицијата уапси уште едно лице за фрлање молотови коктели пред Собранието. 

А.Ф. пред неколку дена, заедно со веќе приведениот Ј.С., кој со кривичната пријава издржува и мерка притвор, започнал да подготвува „молотови коктели” и да фрла со нив кон полициските службеници и кон објектот на Собранието.  По преземени мерки и активности од страна на полициските службеници, А.Ф. е лишен од слобода, обезбедени се сите докази против него, велат од полицијата. Тој е изнесен пред Јавен обвинител за понатамошна постапка. Досега имаше повеќе приведени за инцидентите кои се случија минатата недела на проестите против францускиот предлог. Проестите продолжуваат, а министерот за внатрешни работи, Оливер Спасовски повика граѓаните да протестираат на мирен и демократски начин.