Јане Ченто, еден од учесниците во насилните протести на Крвавиот четврток кога дојде до упад во Собранието на Република Македонија, утрово повторно е приведен од страна полицијата.

Според првичните информации Јане Ченто е одведен во притворското одделение на истражниот затвор во Шутка. 

Ченто веќе еднаш беше во Шутка, но по одлука на скопска Апелација Ченто на 21 февруари беше пуштен во домашен притвор и му беше одземен пасошот.

Се очекува Кривичниот суд да даде официјална информација за повторното приведување.

Според обвинението, на 27 април Ченто добил повик од Александар Василевски - Нинџа веднаш по повикот од Виена и заедно со обвинетите Игор Југ, Маден Додевски, Захарие Симовски, Михаил Младеновски и Дејан Давидовски го мобилизирале членството за да влезат во Собранието.