Полицијата постапува по вчерашниот протест во Охрид каде демонстранти се собраа пред куќите на пратениците Љубен Арнаудов и Сашо Василевски. Демонстрантите извикуваа говор на омраза, ги нарекуваа пратениците предавници, изроди и им се закануваа со висење на бесилка. Претседателот на Единствена Македонија, Јанко Бачев, вербално го нападна Василевски по што полицијата мораше да интервенира и да го тргне настрана.

Од МВР велат дека во соработка со Основното јавно обвинителство постапуваат по случувањата и се работи на собирање на докази. Откако ќе заврши постапката на прибирање докази, ќе се поднесат соодветни пријави. 

Бачев веќе еднаш е повикан во полиција на разговор поради закани кон пратениците. Тој ги предупреди пратениците дека нема да стигнат ниту до граница доколку гласаат за промени во Уставот.