Полицијата го бара судијата Зоран Теофиловски, член на Судскиот совет како највисоко судско тело, за да го уапси по налог на Обвинителството за организиран криминал и корупција.

Ова го потврди обвинителката Вилма Русковска за СДК, а утринава се приведени петмина вработени во Општина Тетово. Неофицијално станува збор за нелегално стекнато атрактивно државно земјиште, како и бесправна легализација во врска со поранешното Тениско спортско Здружение Љуботен Тетово, чиј поранешен претседател е Теофиловски.

„Точно е дека утринава се приведени пет лица од Општина Тетово, а и едно лице сè уште полицијата не може да го најде. И натаму трае потрагата по шестото лице за кое е распишана наредба за истрага. Се работи за незаконска легализација и за приватизација на атрактивно земјиште“ вели Русковска.