Јавното обвинителство на РМ денеска до основниот суд Скопје 1 поднесе обвинителен акт против 30 лица во врска со настаните од 27 април 2017 година

Обвинителството за гонење  организиран криминал и корупција ја заврши истрагата за упадот во Собранието што се случи на 27 април минатата година. Од вкупно 35 осомничени обвинението е поднесено против 30 лица, за четири лица е прекината постапката бидејќи не се достапни за органите на прогонот, а за едно лице постапката е запрена бидејќи обвинителството не нашло докази дека лицето сторило кривично дело.

Дваесет и осум лица се товарат за терористичко загрозување на Уставниот поредок и безбедноста, а две лица се товарат за помагање за истото кривично дело.

За упадот во Собранието осомничени се поранешниот министер за внатрешни работи, Митко Чавков, пратеници и организатори на протестите од иницијативата „За заедничка Македонија“.