Во синоќешната тепачка во ексклузивниот скопски бар Трибека се приведени пет млади лица на возраст од 19 до 28 години, кои направиле огромен неред во локалот.

-Од страна на полициски службеници од СВР Скопје се лишени од слобода Х.Ј.(20) и А.С.(27) двајцата од Скопје, а во врска со претходна пријава дека во угостителскиот објект дошло до нарушување на јавниот ред и мир со физичка пресметка помеѓу П.Ѓ.(28) од Скопје и Х.Ј.(19), по што А.С. (27) почнал да го крши инвентарот од угостителскиот објект. На местото на настанот е извршен увид, известен е јавен обвинител и по документирање на случајот ќе биде поднесен соодветен поднесок, соопшти МВР.

Фактор претходно објави дека дури и инспекторите на Пазарниот инспекторат биле сведоци на немилиот настан, а директорот Стојко Пауновски ни изјави дека при нивната синоќешна контрола на угостителските објекти, во неколку градови, во Скопје наишле на тензична атмосфера.

А.Б.