Наместо да бара заем од комерцијални банки, Владата директно ќе оди на издавање на еврообврзница, и тој процес веќе е започнат, информираше министерката за финансии Нина Ангеловска. 

Причина за ова е што се очекува да се стабилизираат пазарите на капитал. 

„Тој процес е започнат. Тоа значи дека се подготвуваат сите институции, се прават потребните документации и се следи пазарот. Тој процес трае 45 до 60 дена, што ни дава право, кога ќе одлучиме дека е најдобро, согласно движењата на пазарот, дека е најсоодветно да се излезе на тој пазар“, рече Ангеловска. 

Соопшти дека веќе се легнати 176 милиони евра од ММФ, а од Светска банка преговараме за 140 милиони евра заем, а испратено е и посмо до ЕУ за новиот инструмент за макрофинансиска стабилност.