Под мотото „Стоп за сообраќајното насилство“, стотина луѓе протестираа денеска на раскрсницата на булeварот Партизански одреди кај „Сити мол“ во Скопје, по сообраќајната несреќа која се случи пред неколку дена во земјава и во која беше прегазена младата Викторија Николова.

Собирот го организираше момчето Леонид Даов, кој бил со неа и при тоа бил лесно повреден.

Организаторите најавија достоен јавен собир, на кој ќе се оддаде почит и на Викторија, но и на сите жртви во вакви и слични сообраќајни несреќи. Со транспаренти и маички „Почивај во мир ангелу наш“ и „Стоп за сообраќајното насилство“, присутните побараа да се стави крај на бeзобзирното возење на улиците и да се подигне свеста на сите учесници во сообраќајот.