Неочекувано попладнево почина Саша Николовски Ѓумар, еден од најдобрите македонски диригенти.

Роден е во Битола во 1966 година, а по завршувањето на средното образование се запишува на Електро-техничкиот факултет во Скопје, но го напушта за да се занимава со музика. 

Се запишува на Факултетот за музичка уметност на отсекот за музичка теорија и педагогија и дипломира како најдобар студент на генерацијата. Дипломира со највисоки почести, диригирајќи ја Вердиевата опера „Травијата“ во Македонската опера и балет. 

Саша Николовски настапуваше во Унгарија, Романија, Бугарија,Австрија, Србија, Босна и Херцеговина, Хрватска и Црна Гора. Од 1998 на Факултетот за музичка уметност предава хорско и оркестарско диригирање, Оперско студио и група предмети од областа на диригирањето.

Последните четири години дејствува како претседател на Здружението на диригенти на Македонија.