Покрај билетарите на ЈСП новите електронски неперсонализирани картички ќе може да се купат и на пеесетина локации низ Скопје преку продажната мрежа воспоставена од мастер дилерот. Станува збор претежно за локални продавнички во скопските населби кои ги продаваат неперсонализираните електронски картички и исто така вршат надополнување на средства за користење како кредит или пак на специфични билети.

-Во текот на јануари 2017 година, претпријатието отвори уште 55 нови продажни места, како дел од продажната мрежа на мастер-дилерот. Во овој момент, граѓаните ќе можат да бидат услужени на вкупно 30 продажни места на ЈСП СКОПЈЕ, 110 продажни места на мастер-дилерот и на 3 автомати за картички (ТВМ), соопштуваат од Јавното сообраќајно претпријатие.

Во локалната продажна мрежа не може да се купат персонализирани електронски картички кои се наменети за пензионерите и за месечните билети на поединци, па така за нив ќе треба да се упатите во пунктовите на ЈСП каде се врши фотографирање и издавање на картичката „Моја скопска“.