ПО ОБЈАВЕНОТО ВИДЕО СНИМЕНО НА „БУТЕЛСКА“: Казнет е возачот кој се движеше по велосипедска патека
По објавеното видео на кое се гледа како патничко возило „Ауди” со скопски регистарски ознаки се движи по велосипедска патека на ул.„Бутелска”, од полицијата известуваат дека настанот се случил вчера околу 16.30 часот.
„Веднаш од страна на Одделението за безбедност на патниот сообраќај при СВР Скопје се преземени соодветни мерки и активности при што е пронајден возачот на возилото З.С.(43)“, велат од полицијата.
Возачот е казнет. Во описот на видеото кое го споделуваа граѓаните, стоеше дека возачот го принудил човекот во инвалидската количка да се тргне кон десно, за тој да помине.
Слично
Поврзани вести
