ЈП Комунална хигиена-Скопје, по интензивните реакции на скопјани за насобраниот смет за време на тридневната забрана за движење изминатиот викенд, објави ќе го собира и транспортира комуналниот отпад во главниот град во три смени, секој ден во неделата, што ќе продолжи и за време на претстојниот празничен викенд кога карантинот ќе трае од петок во 16 часот до вторник во 05.00 часот.

-Контејнерите се празнеа во текот на целата ноќ, по што посебни екипи поминуваа да го отстранат и транспортираат отпадот што беше расфрлен во околината на садовите. Изминатата недела, оперативата на ЈП Комунална хигиена-Скопје дејствуваше само во првата смена, но состојбата на терен покажа дека со активности во една смена не е возможно секојдневно да се подигне и транспортира отпадот од речиси 6000 контејнери поставени во сите скопски општини, признаваат од Комунална хигиена.

Изминатиот ден бил собран 1000 тони натрупан смет од подземните и надземните контејнери на територијата на главниот град.