Членовите на Државната изборна комисија,  итно се состанаа попладнево откако амбасадорот на САД, Џес Бејли обелодени дека зад затворени врати си изгласале дополнителни плати по завршувањето на парламетарните и локалните избори. 

Бејли кажа дека членови на ДИК си изгласале дополнителна плата за 4 дополнителни месеци за нивната работа на октомвриските избори. Претходно дополнително добиле и плата за 5 месеци по изборите во 2016 година.

„Гласањето во комисијата било едногласно, сите партии и сите етникуми, а персоналот во комисијата добил помали бонуси. Но, имам прашања во врска со ова, ДИК е независно тело, можеби овој потег бил дури и легален. Но, гласањето се случило зад затворени врати. Што кажува ова за вредностите на самата организација. Каде беа свиркачите, истражувачките новинари или парламентарните тела за надзор?“- изјави Бејли.

Од ДИК неколку месеци не ги откриваат сумите за патни трошоци.