Советот на Агенцијата за аудио и аудиовизуелни медиумски услуги одобри помош за семејствата на трагично починатите граѓани во пожарот во модуларената болница во Тетово.

Според информациите, износот на средствата кои ќе им бидат исплатени на семејствата е во висина по 60.000 денари посемејство.

АВМУ искажува најдлабоко сочувство за ужасната трагедија која се случи вчера вечерта во ковид центарот во Тетово.

Како што е познато од досега соопштените официјални информации, животите во страотниот пожар кој изби во тетовската модуларна болница, животите ги изгубија 14 лица. 

Исто така, како што соопштија од Агенцијата за аудио и аудиовизуелни медиумски услуги, таа ги повикува радиодифузерите да ја прилагодат програмата на деновите на жалост, така што забавните шоу програми, хумористичните емисии или играната програма од жанрот комедија, планирани да се емитуваат овие три дена, ќе ги прераспоредат за други денови од седмицата.

„Музиката што ќе ја емитуваат радиодифузерите треба да биде од музички жанрови соодветни за денови на жалост. Доколку тоа го дозволуваат веќе склучените договори, препорачливо е овие три дена да не се емитува рекламирање“, се вели во соопштението од АВМУ.