Најмногу казнети лица се од Кавадарци, и тоа девет, двајца се од Гевгелија, тројца од Гостивар, две лица од Струмица, пет од Битола, двајца од Куманово, седум се од Прилеп, двајца од Дебар, еден од Кочани, петмина се од Скопје и по еден од Струга и од Ресен.

Меѓу сите овие лица е и докторот од Кавадарци, кој заработи огромна казна од 4.500 евра.

„Обвинетиот, лекар во ЈЗУ Општа болница со проширена дејност – Кавадарци, постапувал спротивно на Одлуката донесена на Дванаесеттата седница на Владата на Република Северна Македонија од 28.02.2020 година, според која сите вработени во државните и локалните институции и претпријатија, доколку во последните две недели патувале или живеат со некој што патувал во ризична земја за ширење на коронавирусот КОВИД-19, треба да не доаѓаат на работа и за тоа да ја известат институцијата во која работат. Имено, и покрај упатствата дадени директно од страна на специјалист-епидемиолог да останат целото семејство во домашна изолација од 14 дена поради патувањето на нивната ќерка која на 6 март се вратила од Италија, обвинетиот во периодот од 10 март до 20 март продолжил да оди на работа во болницата каде е вработен како доктор. На 10 март заедно со неговата ќерка правеле анализи на Одделот за микробиологија и биле во амбулантата за уво, нос и грло во Кавадарци. Изречена е казна од 4.500 евра“, се вели во соопштението.