„ПИНЦГАУЕРИТЕ ПОКАЖАА ДЕКА ЌЕ БИДАТ ВИСТИНСКО ЧУДО ВО СПРАВУВАЊЕТО СО ПОЖАРИТЕ!“ Михаилов вели дека ги „газат“ пожарите
Заменик генералниот директор на „Национални шуми“, Кире Михаилов, даде детално објаснување за делувањето на пожарите, а во исто време и раскажа дека добро ќе се делува на пожарите со помош на новите возила.
„Хеликоптерите BELL 412 и BELL 212 на МВР од рано утрово делуваат на потегот на линијата на пожарот над селата Злеово, Покрајчево, Јаргулица и Подареш!
Таму со силите на ТППЕ Радовиш, вработените во ЈП "Македонски Шуми" , војници од АРМ и доброволци дејствуваат и 8 пинцгауери!
Оваа линија дополнително ја покриваат и 6 специјализирани БТР-и и 6 ХЕРМЕЛИНИ!
На вчерашниот пожар во Струмица, пинцгауерите покажаа дека ќе бидат вистинско чудо во справувањето и со урбаните пожари кои дај Боже воопшто и да ги нема!
БТР-от пак помогнат со дејство на ТППЕ Струмица и неколку пинцгауери буквално го згази новиот пожар над село Сушево кој ни го подметнаа во исто време со оној на гробиштата во Струмица!
Ова коешто во овие неколку дена го видов овде на терен и го прават новите специјализирани возила за гаснење пожари ме радува и можам како и многупати досега што сум кажал да напишам,
- НОВИ ВРЕМИЊА ДОЈДОА ВО МАКЕДОНИЈА!
Во ситуација кога гледаме дека дури и Бугарија и Грција не можат сами да се справат и бараат помош од ЕУ механизмот, а Турција видовме што ја снајде, со вложувањата на оваа влада во овој сектор можам слободно да кажам дека за кратко време нема да има предизвик кој што не би го решиле!
Останува уште да проработи свеста кај луѓето да не палат и кај судиите оние кои ќе ги фатиме дека палат да ги затворат со огромни затворски казни!“, вели тој.
Слично
Поврзани вести
