Скопскиот градоначалник Петре Шилегов бара од Министерството за внатрешни работи, конкретно од СВР Скопје за сообраќај, поревносно да си ја вршат работата во спречувањето на дивите трки, на кои се повеќе реагираат граѓаните. 

Тој вели дека сега инфраструктурата во главниот град е многу поквалитетна, и веројатно е тоа предизвик за несовесни граѓани да дивеат по улиците.

„Инфраструктурата сега е многу поквалитетна и веројатно е предизвик за недисциплинираните граѓани. Јас апелирам МВР и СВР Скопје поревносно да си ја вршат својата работа, со цел оваа квалитетна инфраструктура да не биде злоупотребувана од несовесните граѓани“, рече градскиот татко Петре Шилегов одговарајќи на новинарско прашање. 

Тој нагласи дека сите инстанци треба да си ја вршат својата работа, нагласувајќи дека е во координација со Градскиот секретаријат за внатрешни работи.