Посетата на премиерот Кирил Петков на Скопје се одложува, изјавија за БНТ од прес-центарот на Советот на министри. Сепак не се прецизира кога тој ќе ја посети Македонија. 

Претходно, Министерскиот совет за БНТ потврди дека Кирил Петков и шефицата на неговиот кабинет Лена Бориславова ќе бидат во изолација во наредните денови.

Одлуката доаѓа неколку часа откако стана јасно дека претседателот на Народното собрание Никола Минчев има коронавирус, а премиерот Петов беше во контакт со него.

Премиерот Кирил Петков продолжува да работи од далечина и е во постојан контакт со членовите на Советот на министри.

Посетата на Петков на Македонија беше закажана за 18 јануари.