Наскоро бугарскиот премиер Кирил Петков ќе дојде во Македонија. 

Тој најавува дека датумот на неговата прва посета најверојатно ќе биде 18-ти јануари. Во интервју за ТВ Блумберг, како што јави дописникот на МИА од Софија, Петков вели дека со македонскиот колега Димитар Ковачевски сакаат да создадат сосема поинаква рамка за разговорите. Петков рече и дека не разбира зошто мора да лета преку Виена за да оди во Скопје, укажувајќи дека треба да има летови Софија-Скопје. Дополни и дека не му е јасно зошто нема железничка врска помеѓу двата града.  Тој рече дека ќе се фокусираат на инфраструктура, економија, културни размени, влез во ЕУ и историја.

Бугарскиот премиер смета дека во прв план треба да биде она од што двете земји ќе имаат бенефит, и така полесно ќе дојде до решение. 

Македонија не ги почна преговорите прво поради француското, а потоа и поради бугарското вето.