Перо Камиказа доби поддршка од Левица за градоначалник на Скопје
Поранешниот актер и член на култниот бенд „Меморија, Петар Георгиевски, објави дека ја добил поддршката од „Левица“ да се кандидра за градоначалник на Град Скопје пред локалните избори на 17 октомври.
Популарниот Перо Камиказа сепак се уште размислува дали да ја прифати понудата и конечната одлука ќе ја донесе во наредните 48 часа откако, како што вели, ќе ги испита анкетите на јавното мислење.
Во својот статус Георгиевскји вели дека помладите генерации помалку го познаваат, но затоа па во оваа таргет-група има голем број на симпатизери на „Левица“. Тоа, според Перо Камиказа, му дава шанси за победа, како што вели тој, против Петре Шилегов.
„Помина извесно време и еве со вас ги споделувам согледувањата од неколкуте анкети кои го кажуваат следното:
Скоро во сите општини со мнозинско македонско население разликата помеѓу мене и Петре Шилегов е речиси дупла во моја корист, но во немакедонското население скоро во целост односно 93% оди во корист на Петре Шилегов. Ова не е воопшто изненадувачки и шокантно знаејќи ја моменталната поставеност на терен, но за мене нај шокантно и во најмала рака збунувачки е што во анкетите што се направени, оние деца кои се родени во независна Македонија, кои од прилика имаат од 18 до 30 години мене ме познаваат само 13% а Шилегов 65% ?!?! Токму овој факт беше причината за која се колебав овие денови да ја финализирам мојата кандидатура за градоначалник.
Обично не се откажувам така лесно, и направив едно мало истражување, да видам каде можам да најдам начин, да ме запознаат поголем дел од триесет годишњаците кои го познаваат Петре Шилегов повеќе од мене ?! Испадна дека единствена политичка партија чие гласачко тело ги има токму овие гласачи, е ЛЕВИЦА. Со нивна поддршка како независен кандидат, шансите драматично се зголемуваат да се анулира разликата или со други зборови, победата е речиси блиску.
Ако кампањата која ја водам го погоди неопределеното гласачко тело победата е на праг, се разбира заедно со сите вас. Доколку вашата поддршка остане за мене како НЕЗАВИСЕН кандидат поддржан од ЛЕВИЦА со радост ќе го прифатам овој предизвик во кој ќе си ги жртвувам сопствениот мир и спокој . Ете тоа е она што сакав да ви го соопштам пред два дена. За жал друго решеније нема, ова е единствено. Значи да повторам НЕЗАВИСЕН КАНДИДАТ за градоначалник на Град Скопје, со поддршка на ЛЕВИЦА. Немам ништо што да кријам од вас, еве го споделив можеби единствениот начин да го симнеме овој КРАДОНАЧАЛНИК.
П.С. Вашите мислења и понатаму ми остануваат драгоцени, имаме 48 часа за заедничка одлука“, напиша Георгиевски на Фејсбук.
Слично
Поврзани вести
