Кабинетот на претседателот Стево Пендаровски објави дека во рекордно време се собрани 10 000 граѓански потписи за поддршка на кандидатурата за втор мандат.

- Собирањето на потписите започна денеска, 3 март во 08.00 часот, на територијата на целата држава и за неполни пет часа се собрани 10 000 потписи од граѓаните кои се потребни за поддршка на кандидатурата за претседател, соопштија од кабинетот на Пендаровски.

Во соопштението се посочува дека продолжува собирањето потписи и во наредните часови и денови.

Денеска и опозициската ВМРО-ДПМНЕ и коалиционите партнери собираат потписи за противкандидатот Гордана Силјановска Давкова и очекува за еден ден да бидат собрани потребните 10.000.