Претседателот на државата, Стево Пендаровски попладнево по 4-та седница на советот за безбедност посветена на корона кризата, изјави дека министрите реферирале за тоа како се справуваат со епидемијата. 

Вели дека заклучокот е дека состојбата е сложена. 

„Досега имаме адекватна поставеност на државата и стриктно спроведување на препораките од СЗО“, вели Пендаровски. 

Рече дека ни претстои тежок период и дека треба да се намалат штетите по економијата.

До истекот на вонредната состојба ќе има најмалку уште една седница на советот за безбедност. 

Тој смета дека се добри сетот економски мерки на владата. 

Рече дека доколку од него биде побарано, би се откажал од платата додека трае епидемијата.