Претседателскиот кандидат на владејачката коалиција, Стево Пендаровски, заедно со своето семејство големиот христијаноски празник Велигден го дочека в Галичник, од каде што впрочем потекнуваат неговите семејни корени, додека противкандидатката поддржана од ВМРО-ДПМНЕ,Гордана Сиљановска-Давкова, ја посети црквата „Св. Петка“ во населба Црниче.

- Вечерва го празнуваме животот и надежта за мир и подобро утре. Да се обединиме во заедничките вредности и желби, сите заедно да славиме и сите заедно да напредуваме. Христос воскресна, за многу години! -напиша Пендаровски на својата Велигденска честитка.

Пендаровски вечерта ја посети црквата „Св. Апостоли Петар и Павле” каде што ќе присуствува на богослужбата за Велигден.

Кандидатката за претседател Гордана Сиљановска Давкова вечерa вечер ја посети црквата „Св. Петка“ во населба Црниче.

„Христос воскресна! Навистина воскресна! – објави таа на нејзината фејсбук фан страница.