Претседателот Стево Пендаровски денеска објави дека ќе го потпише Инструментот за пристапување на Македонија во НАТО.

„Денеска ќе го потпишам Инструментот за пристапување на Република Северна Македонија кон Северноатлансткиот Договор, претходно парафиран од министерот за надворешни работи, Никола Димитров.
Потпишувањето на инструментот е финалниот чекор за членството во НАТО. 
Во вонредни околности ја реализираме една од двете најважни стратешки цели на државата – полноправно членство во најголемата воено-политичка организација на светот.

Македонија од Алијансата доби известување дека сите ратификации од земјите-членки се депонирани во Вашингтон.

Со депонирање на нашата ратификација Македонија станува 30-та земја-членка на Алијансата.